فقط لـ الحلم !

( أجمل .. الغيد )

.
.
.

أكذب على نفسي حيل وأقـول  ناسـي

وأنا اللي من بعد فرقـا مريوشـة  العيـن

مالي فـي درب الغوانـي شفـقٍ وباسـي

ولا لي فـي محبـة غيرهـا قلـبٍ يليـن

وشلون أحب وقلبي من هواهـا يقاسـي

والعين من بعدهـا مـا  شافـت  الزيـن

شلت بضلوعي جرح كما جبالٍ رواسـي

في داخلي ينزف مـن حيـنٍ إلـى حيـن

أبدأ صباحي أمل وأمسي ملتحف  ياسـي

غارقٍ فـي بحـر جرحـي لحـد الجبيـن

ماهي قصة أحزان إلا روايـات ومآسـي

مـن أول حروفهـا إلـى تواليهـا أنيـن

أذكرك كل ماأمطر سحاب وهب نسناسي

وكل ما غنى راعـي الصـوت  الحزيـن

وأذكرك لا غفّت عيني ويرحـل نعاسـي

وأصحى وطيفك الغالـي بيـن  جفنيـن

أحسّك كنك السكر وتذوبين في كاسـي

وأشربك وأقول يمكن بلحظـة  ترجعيـن

أثري بعد فرقاك يا أجمل الغيـد  متواسـي

كلي وله وأشـواق وآمـال وحنيـن  !

.
.
.

كتبت في / 2-2-2007 م