فقط لـ الحلم !

( ضايق .. فكر )

.
.
.

ضايق فكر مدري متـى هالضيـق  ينـزاح

أحسن إني الضايق الأعظم والناس  مرتاحـه

يحكي الليل عن همٍ بصدري وزاده  جـراح

وأصّبح وكن الفرح مـع الليـل  مفتاحـه

مرات أحس إن القلب بين الأضلاع نـواح

يبكي عبث من جرح مـا أطلـق سراحـه

ومرات أقول إني وسط البشر غريب وسواح

أحكي وأسمع لهم وبداخلي الأفكار مجتاحـه

مليت فكرٍ ينتشلني مـن واقعـي  بإلحـاح

ومليت الليل والهوجاس والحزن  وأشباحـه

ضعت والعمر اللي بيجي مثـل اللـي راح

يعني ببساطه مانـي لاقـي بالعمـر راحـه

ليت الأماني تنشري بشتـري لـي  جنـاح

بأطيـر وببتعـد بـلا حـدود ومساحـه

واللي يسلمك يابو ناصر لا تقول لي ارتـاح

الراحة والله لا صرت غافـيٍ فـي مراحـه

عند ذيك اللي عيونهـا تسكـن بـه أرواح

لا سلهمت تحس انك مقصوص في  ساحـه

وشفايفها اللي أبي حكيهـا جـد ومـزاح

وأنفاسها ريح الخزامـى بالعطـر  فواحـه

وجِيدها يا جِيدها اللي من  البيض  وضـاح

لا شافه الليـل خـاف وأعلـن  صباحـه

هذيك اللي لا غفّت كـن الفكـر  سـاح

وتبقى فكرة بس وشلـون أقبلهـا براحـه

لا نثرت شعرها كـن الوسايـد  تستبـاح

أتوسده ويـدي علـى خصلهـا  لواحـه

ولا سولفت والعطر اللي فـي ثيابهـا فـاح

آحـس ان هايـم سكنـوه فـي واحــه

يابو ناصر ضيعتها أو ان القدر بـي اجتـاح

حـبٍ نمـى فينـي وفارقـتـه بنيـاحـه

لو بنـات حـواء واقعهـم الجـد تفـاح

بقول مابي من سلـة هالتفـاح إلا  تفاحـه

المهم إن غيري خذاها ويـا  علـه  يرتـاح

طـول العمـر معهـا ومعلـن انشراحـه

وأن لي الضيـق والهـم ونـزف  الجـراح

وأشبـاح فكـرٍ داخـل العقـل  لاحـه

بس تكفى يا ليلي لا تقفل فكـري بمفتـاح

أطلقني وخلني مـع هالنـاس فـي  راحـه

.
.
.

كتبت في / 9-2-2008 م