( الأماني .. كـثـّـار ! )

.
.
.

نفس المسافة .. نفس الطريق القصير ..
إن تلاقينا تعب .. وإن تفارقنا مصير ..!
خلنا على ذاك الرصيف ..
وعطني يدك .. بس عطني ..
بـ أنسى الشوارع .. والسحاب ..
وذاك الرذاذ الخفيف ..
خلني معك .. لآخر هـ الزمان ..
كفي بـ كفك .. وعينك لي أمان ..
ولا تقول لي كافي .. فيني الأماني .. كثار ..
ليت الفضا عيونك .. وبـ إيديني جناح ..
أهيم بك كلي .. وأقول منفي ..
وأنسى الهجير والألم والفّي ..
وترديدي .. مليت السهر وين الصباح ..!
خذني معك ..
إنت الحياة .. وإنت لي وطن ..
إنت الثبات .. وغيرك ما أظن ..!
ولا تقول لي كافي .. فيني الأماني .. كثار ..
خذني لآخر حدود .. الأرض ..
ما أقول لك وين .. ولا دروبنا وش هي ..!
لف بي هـ الكون .. طول وعرض ..
وإنته معي .. وإيدك في يدي ..
مابي هـ البشر دامك مقصدي ..
قبل أشوفك ..
ياما عدّيت الثواني .. قبل السنين ..
وياما بعثرت الأماني .. آمال وحنين..
وهذا صدري ياما ملاهـ الشوق ..!
وتوّها الأماني .. يا حبيبي كثار ..
بس خلك معي ..
على ذاك الرصيف ..
إن تلاقينا .. تلاقينا ..
وإن تفارقنا ..
................................................ مصير !
.
.
.

كتبت في   /    10-8-2007 م

All rights reserved to 3zooo site®2008