فقط لـ الحلم !

( علموها ..! )

.
.
.

علموها ترمـي شعـوري بأسفـل  القـاع

ولا تسأل وش كثـر غطـاه مـن  سافـي

علموها تجـرح متيـم بهواهـا  منصـاع

طاف الأمانـي بجـرح مـا خفـاه خافـي

اتركوها تحرق بجفاهـا باقـي  الأضـلاع

راضـي ورب الكـون ولا نيـب جـافـي

اتركوها تكفون رجوة مريـضٍ  بالأوجـاع

خلوهـا تزيـد الجـرح ولا تقـول كافـي

خلوها تبني بداخلي وطن نـزفٍ ومربـاع

يشهد علـي الله أمشـي بشوكهـا حافـي

خلوها تقطع وصلها ولاتقول بـه  مرجـاع

يكفيني طيفها وربـي بشوفتـه  متعافـي

لا تنشدوني عن هواها هو له عنـدي  وداع

إنشدوا عن فرحتي به يوم اللقـا  صافـي

إنشدوا عن صـورةٍ لهـا بقلبـي الملتـاع

وشوفوا وش كثر الحلى بداخلـي  غافـي

إنشدوا لمعة عيوني عن دمعٍ لهـا  ضـاع

يوم أشوفها تشكـي جـرحٍ بهـا  طافـي

إنشدوا رعشة خفوقٍ يوم ضمهـا  مرتـاع

خـاف يـذوب بقلبهـا ولا عـاد ينشافـي

إنشدوا راحة إيديني وبعد شوفي  والأسماع

قولوا بعد الذي سٌـوت تبقـى لهـا وافـي

بقول بصوتٍ خنقه الضيم يكفي  بالإجمـاع

بنتٍ عشقتها مره بتبقـى أصـدق أهدافـي

ولا أبي عشقٍ بعدها يحل ولطيفهـا نـزاع

ماأبي إلا عيونٍ ضيعت بها موجي ومجدافي

هي وحدها بنتٍ يا سائلي أجي لهـا فـزاع

قلبي ونفسي وهبتها لها بزود  إسرافـي

.
.
.

كتبت في / 29-1-2005 م